മനുഷ്യന് പലതും ആലോചിച്ചുവയ്ക്കുന്നു; നടപ്പില് വരുന്നത് കര്ത്താവിന്റെ തീരുമാനമാണ് (സുഭാഷിതങ്ങള് 19:21).
നിങ്ങള് വാക്കാലോ പ്രവൃത്തിയാലോ എന്തു ചെയ്താലും അതെല്ലാം കര്ത്താവായ യേശുവഴി പിതാവായ ദൈവത്തിനു കൃതജ്ഞതയര്പ്പിച്ചുകൊണ്ട് അവന്റെ നാമത്തില് ചെയ്യുവിന് (കൊളോസോസ് 3:17).
അങ്ങയില് ഹൃദയമുറപ്പിച്ചിരിക്കുന്നവനെ അങ്ങ് സമാധാനത്തിന്റെ തികവില് സംരക്ഷിക്കുന്നു. എന്തെന്നാല്, അവന് അങ്ങയില് ആശ്രയിക്കുന്നു (ഏശയ്യാ 26:3).
അവന്റെ ഇഷ്ടത്തിനനുസൃതമായി എന്തെങ്കിലും നാം ചോദിച്ചാല്, അവിടുന്നു നമ്മുടെ പ്രാര്ഥന കേള്ക്കും എന്നതാണു നമുക്ക് അവനിലുള്ള ഉറപ്പ് (1 യോഹന്നാന് 5:14).
കര്ത്താവില് പൂര്ണഹൃദയത്തോടെ വിശ്വാസമര്പ്പിക്കുക; സ്വന്തം ബുദ്ധിയെ ആശ്രയിക്കുകയുമരുത്. നിന്റെ എല്ലാ പ്രവൃത്തികളും ദൈവവിചാരത്തോടെയാകട്ടെ; അവിടുന്ന് നിനക്ക് വഴി തെളിച്ചുതരും (സുഭാഷിതങ്ങള് 3:5-6).
നീ വലത്തോട്ടോ ഇടത്തോട്ടോ തിരിയുമ്പോള് നിന്റെ കാതുകള് പിന്നില് നിന്ന്, ഒരു സ്വരം ശ്രവിക്കും; ഇതാണു വഴി, ഇതിലേ പോവുക (ഏശയ്യാ 30:21).
നിങ്ങള് എന്റെ നാമത്തില് പിതാവിനോടു ചോദിക്കുന്നതെന്തും അവിടുന്നു നിങ്ങള്ക്കു നല്കും. ഇതുവരെ നിങ്ങള് എന്റെ നാമത്തില് ഒന്നുംതന്നെ ചോദിച്ചിട്ടില്ല. ചോദിക്കുവിന്, നിങ്ങള്ക്കു ലഭിക്കും; അതുമൂലം നിങ്ങളുടെ സന്തോഷം പൂര്ണമാവുകയും ചെയ്യും (യോഹന്നാന് 16:23-24).