പ്രേമ ബന്ധനങ്ങള്‍ - കടപ്പാട്‌: റവ.ഫാ.ഡേവിസ് പട്ടത്ത്
സ്‌നേഹം എന്ത്? പ്രേമം എന്ത്?
സ്‌നേഹബന്ധങ്ങള്‍ പ്രേമബന്ധമായി അധഃപതിക്കരുത്. ബന്ധങ്ങള്‍ ബന്ധനങ്ങളാകരുത്. സ്‌നേഹബന്ധം ദൈവീകമാണ്. ഈ ദൈവീകമായ സ്‌നേഹബന്ധത്തെ നശിപ്പിക്കാന്‍ പിശാച് വിതയ്ക്കുന്ന തിന്മയുടെ വിത്താണ് പ്രേമം. എല്ലാ വികാരങ്ങളെയും വിവേകത്താല്‍ നിയന്ത്രിക്കുക....നയിക്കുക...
| സ്‌നേഹം എന്ത്? | പ്രേമം എന്ത്? |
| സ്‌നേഹം ദൈവീകമാണ് | പ്രേമം മാനുഷികമാണ് |
| സ്‌നേഹം സ്വര്‍ഗ്ഗീയമാണ് | പ്രേമം പൈശാകിമാകാം(അതുകൊണ്ടാണല്ലോ പ്രേമനൈരാശ്യത്തില്‍ കാമുകി കാമുകന്മാര്‍ വിഷം കുടിക്കുന്നതും ആത്മഹത്യ ചെയ്യുന്നതും) |
| സ്‌നേഹം ബന്ധങ്ങളെ ശക്തിപ്പെടുത്തുന്നു. |
പ്രേമം ബന്ധങ്ങള്‍ തര്‍ക്കുന്നു.(മാതാപിതാക്കളുമായുള്ള ബന്ധം, ദൈവവുമായുള്ള ബന്ധം, മറ്റു കൂട്ടുകാരുമായുള്ള ബന്ധം, പഠനവുമായുള്ള ബന്ധം) |
| സ്‌നേഹം ധൈര്യം നല്‍കുന്നു | പ്രേമം ഭയം ജനിപ്പിക്കുന്നു. (ആരെങ്കിലും അറിയുമോ, പ്രേമം വിജയിപ്പിക്കുമോ, ചതിക്കുമോ.) |
| സ്‌നേഹം ഹൃദയത്തിലെ ദൈവാരാധനയാണ്. | പ്രേമം ഹൃദയം കൊണ്ടുള്ള വ്യഭിചാരമാണ്. |
| സ്‌നേഹം ദൈവിക പദ്ധതികള്‍ നടപ്പിലാക്കുന്നു. | പ്രേമം സ്വന്തം പദ്ധതികള്‍ നടപ്പിലാക്കുന്നു. |
| സ്‌നഹം പ്രത്യാശയില്‍ നിലനില്‍ക്കുന്നു. | പ്രേമം നിരാശയില്‍ അവസാനിക്കുന്നു. |
| സ്‌നേഹം വിവേകമാണ്. | പ്രേമം വികാരമാണ്. (ഒരു തരം ഭ്രമമാണത്. ഒരു തരം ഇഷ്ടമാണത്. ഇഷ്ടങ്ങള്‍ അവസാനിക്കും.) |
| സ്‌നേഹം സ്വാതന്ത്ര്യമാണ്. | പ്രേമം അടിമത്വമാണ്. (കുറ്റിയില്‍ കെട്ടിയ കാളയെപ്പോലെ) |
| സ്‌നേഹം ഹൃദയത്തെ വലുതാക്കുന്നു. | പ്രേമം ഹൃദയത്തെ ചെറുതാക്കുന്നു. (ഞാനും ആ വ്യക്തിയും മാത്രം) |
| സ്‌നേഹം ഹൃദയത്തെ നിര്‍മ്മലമാക്കുന്നു. | പ്രേമം ഹൃദയത്തെ മലിനമാക്കുന്നു. |
| സ്‌നേഹം സ്വര്‍ഗ്ഗത്തിലേക്കുള്ള വഴി. | പ്രേമം നരകത്തിലേക്കുള്ള സാധ്യത കൂട്ടുന്നു. |
| സ്‌നേഹം ആന്തരിക സൗന്ദര്യം കണ്ടാണ്. | പ്രേമം ശാരീരിക സൗന്ദര്യവും ചില പ്രത്യേക കഴിവും കണ്ടിട്ടാണ്. |
| സ്‌നേഹം വിവാഹശേഷം കൂടുതല്‍ വിശ്വാസം, സന്തോഷം, നല്‍കുന്നു. | പ്രേമം വിവാഹശേഷം ചിലപ്പോള്‍ സംശയം, ദുഃഖം, അകല്‍ച്ച, മടുപ്പ്, നല്‍കുന്നു. (വിവാഹത്തിന് മുന്‍പ് എല്ലാം നല്‍കി തീര്‍ന്നു. വിവാഹത്തിനുശേഷം ഒന്നും നല്‍കാനില്ല.) |
| സ്‌നേഹം പരിശുദ്ധമാണ്. (പരിശുദ്ധിയില്‍ തുടങ്ങുന്ന ബന്ധങ്ങള്‍ പാറമേല്‍ വീടു പണിയുന്നപോലെ.) | പ്രേമം പാപമാണ്. (പാപത്തില്‍ ആരംഭിക്കുന്ന ബന്ധം ശാശ്വതമാവില്ല.) |
| മണലില്‍ പണിത ഭവനം പോലെ സ്‌നേഹം അടുത്ത തലമുറയെ വിശുദ്ധിയില്‍ വളര്‍ത്തുന്നു. | പ്രേമം അടുത്ത തലമുറയെ അശുദ്ധിയില്‍ വളര്‍ത്തുന്നു. (പ്രേമവിവാഹത്തിലൂടെ ഉണ്ടാകുന്ന മക്കള്‍ പ്രേമത്തിലേക്ക് വീഴാന്‍ സാധ്യതയേറുന്നു. അവരെ തിരുത്താന്‍ മാതാപിതാക്കള്‍ക്ക് സാധിക്കാതെ വരുന്നു.) |
| സ്‌നേഹം കുടുംബത്തിന് സന്തോഷം നല്‍കുന്നു | പ്രേമം കുടുംബത്തിന്റെ ഹൃദയത്തെ മുറിക്കുന്നു. കുടുംബാംഗങ്ങളില്‍ അസ്വസ്ഥതയും അസമാധാനവും വിതയ്ക്കുന്നു. |
| സ്‌നേഹം ഉത്തരവാദിത്വങ്ങള്‍ വിശ്വസ്തതയോടെ ചെയ്യാന്‍ പ്രചോദനം നല്‍കുന്നു. | പ്രേമം ഉത്തരവാദിത്വബോധം നഷ്ടപ്പെടുത്തുന്നു. (പഠനം, ലക്ഷ്യബോധം, ജോലി... ഇവയിലുള്ള ശ്രദ്ധയെ നശിപ്പിക്കുന്നു.) |
| സ്‌നേഹം ഹൃദയാനന്ദമാണ്. | പ്രേമം ഹൃദയവ്യഥയാണ്. |
ദൈവം അനുവദിച്ച്, അനുഗ്രഹിച്ച്, മാതാപിതാക്കള്‍ ആലോചിച്ച് നടത്തുന്ന വിവാഹത്തില്‍ പ്രശ്‌നങ്ങളില്ലേ....? ആ പ്രശ്‌നങ്ങള്‍ ദൈവം തരുന്നതല്ല. മറിച്ച് ദൈവഹിതമോ ദൈവവചനമോ ഇല്ലാതെ ദാമ്പത്യം മുന്നോട്ട് കൊണ്ടുപോകുന്നതുകൊണ്ടാണ്. കൂടാതെ സ്വന്തം സ്വാര്‍ത്ഥതയും പാപവും ദാമ്പത്യത്തെ തകര്‍ക്കാം. ഒരു കാര്യം മനസ്സിലാക്കുക. കര്‍ത്താവ് യോജിപ്പിക്കുന്നുണ്ടെങ്കില്‍ അതില്‍ പ്രത്യേക പദ്ധതി ഉണ്ടാകും. ആ പദ്ധതി തിരിച്ചറിഞ്ഞ് ജീവിച്ചാല്‍ ദാമ്പത്യം തകരുകയില്ല. 1 കോറി 7:13 ല്‍ പറയുന്നു. ''അവിശ്വാസിയായ ഭര്‍ത്താവ് ഭാര്യ മുഖേനയും അവിശ്വാസിയായ ഭാര്യ ഭര്‍ത്താവ് മുഖേനയും വിശുദ്ധീകരിക്കപ്പെടുന്നു.'' ദൈവവചനംപാലിച്ചാല്‍ അറേഞ്ച്ഡ് മാര്യേജ് ഒരിക്കലും തകരില്ല. ഇന്ന് ലോകം പ്രേമത്തെയും സ്‌നേഹത്തെയും ഒന്നായി കാണുന്നു. അതു ശരിയല്ല, ലോകത്തിന് വചനം അറിയില്ല. ഈശോ പറഞ്ഞു: വിശുദ്ധ വചനങ്ങളോ ദൈവത്തിന്റെ ശക്തിയോ അറിയാത്തതുകൊണ്ടല്ലേ നിങ്ങള്‍ക്കു തെറ്റു പറ്റുന്നത്? (മാര്‍ക്കോ. 12:24)
പ്രേമത്തെക്കുറിച്ച് വി. ബൈബിളില്‍ എന്തു പറയുന്നു?
ഉത്തമഗീതം 8:6-ല്‍ പറയുന്നു: ''പ്രേമം മരണത്തെപ്പോലെ ശക്തമാണ്'.
(റോമ 6/22)-ല്‍ പറയുന്നു: 'പാപത്തിന്റെ വേതനം മരണമത്രേ.''
ഉത്തമഗീതം 8:4-ല്‍ പറയുന്നു: ''ജറുസലേം പുത്രിമാരെ ഞാന്‍ കെഞ്ചുന്നു.
സമയമാകും മുമ്പേ നിങ്ങള്‍ പ്രേമത്തെ തട്ടിയുണര്‍ത്തരുതേ. ഇളക്കിവിടരുതേ''. വിവാഹം കഴിഞ്ഞ് ഉണരേണ്ട സ്‌നേഹം
വിവാഹത്തിനു മുമ്പേ പ്രേമമായി ഇളക്കിവിടരുത്. തട്ടിയുണര്‍ത്തരുത്.
പ്രഭാഷകന്‍ 25:21-ല്‍ പറയുന്നു : ''സ്ത്രീയുടെ സൗന്ദര്യത്തില്‍ കുടുങ്ങിപോകരുത്.''
പ്രഭാഷകന്‍ 42:12-ല്‍ പറയുന്നു: ''ആരുടെയും ആകാരഭംഗി നോക്കിയിരിക്കരുത്.
പുരുഷന്‍ സ്ത്രീയുടെ സൗന്ദര്യവും ആകാരഭംഗിയും നോക്കിയിരിക്കുമ്പോഴാണ് പ്രേമമെന്ന മോഹപാപം ഹൃദയത്തില്‍
ഗര്‍ഭം ധരിക്കുന്നത്.
സുഭാഷിതങ്ങള്‍ 6:5-ല്‍ പറയുന്നു: ''അവളുടെ സൗന്ദര്യം നീ മോഹിക്കരുത്.
കടാക്ഷവിക്ഷേപം കൊണ്ട് നിന്നെ പിടിയിലമര്‍ത്താന്‍ അവളെ അനുവദിക്കയുമരുത്.''
പുരുഷന്റെ/സ്ത്രീയുടെ സൗന്ദര്യം മോഹിക്കാന്‍ പോലും പാടില്ല എന്ന് തിരുവചനം പറയുമ്പോള്‍ പിന്നെ എങ്ങനെ സ്വന്തമാക്കും. അന്യന്റെ മകനെയോ മകളെയോ/ ഭാര്യയെയോ മോഹിക്കാന്‍ പോലും പാടില്ല എന്ന് തിരുവചനം പറയുമ്പോള്‍ പിന്നെ എങ്ങനെ സ്വന്തമാക്കും. ജോബ് 31:1-ല്‍ പറയുന്നു.''ഞാന്‍ എന്റെ കണ്ണുമായി ഒരു ഉടമ്പടി ചെയ്തിട്ടുണ്ട്. അപ്പോള്‍ ഞാന്‍ എങ്ങനെ ഒരു കന്യകയെ നോക്കും. തെറ്റായ ചിന്തയോടെ സ്ത്രീയോ/ പുരുഷനോ നോക്കുന്നത് പോലും പാപമാണെന്ന് വചനം പറയുന്നു. യേശു പറഞ്ഞു.''ആസക്തിയോടെ സ്ത്രീയെ/ പുരുഷനെ നോക്കുന്നവന്‍ ഹൃദയത്തില്‍ അവനുമായി / അവളുമായി വ്യഭിചാരം ചെയ്തു കഴിഞ്ഞു.'' (മത്താ. 5:27).
പ്രഭാഷകന്‍ 9:5-ല്‍ പറയുന്നു: ''കന്യകയുടെ മേല്‍ കണ്ണു വയ്ക്കരുത്. നീ കാലിടറി വീഴും. പരിഹാരം ചെയ്യേണ്ടി വരും..... പ്രഭാഷകന്‍ 9:7-ല്‍ പറയുന്നു: നഗരവീഥികളില്‍ അങ്ങുമിങ്ങും നോക്കി നടക്കരുത്. ആളൊഴിഞ്ഞ കോണില്‍ അലയരുത്. രൂപവതിയില്‍ കണ്ണു പതിയരുത്.'' പ്രഭാഷകന്‍ 9:8-ല്‍ പറയുന്നു.''മറ്റൊരുവന് സ്വന്തമായ സൗന്ദര്യത്തെ അഭിലഷിക്കരുത്. സ്ത്രീ സൗന്ദര്യം അനേകരെ വഴിതെറ്റിച്ചിട്ടുണ്ട്.''
സ്ത്രീയെയും/ പുരുഷനെയും തെറ്റായ ചിന്തയോടെ നോക്കുന്നതും മോഹിക്കുന്നതും വലിയ പാപമാണെന്ന് ഈശോ പഠിപ്പിക്കുമ്പോള്‍ പ്രേമബന്ധത്തിലൂടെ സ്വന്തമാക്കാന്‍ ശ്രമിക്കുന്നതും സ്വന്തമാക്കുന്നതും എത്രയോ വലിയ പാപമാണ്.'' ഏശയ്യ 30:1-ല്‍ പറയുന്നു: ''എന്റേതല്ലാത്ത പദ്ധതികള്‍ നടപ്പിലാക്കുകയും എനിക്ക് അഹിതമായ സഖ്യം ഉണ്ടാക്കുകയും ചെയ്ത് പാപം കുന്നുകൂട്ടുന്ന അനുസരണമില്ലാത്ത സന്തതികള്‍ക്ക് ദുരിതം.''
അറിയുക
പ്രേമബന്ധങ്ങളിലൂടെ - ദൈവത്തിന്റെ പദ്ധതികള്‍ക്ക് വിരുദ്ധമായി നിങ്ങള്‍ പ്രവര്‍ത്തിക്കുന്നു.
പ്രേമബന്ധങ്ങളിലൂടെ - സ്വന്തം ജീവിതത്തിന്റെ ദിശാബോധം നഷ്ടപ്പെടുത്തി നിങ്ങള്‍ വഴി തെറ്റുന്നു.
പ്രേമബന്ധങ്ങളിലൂടെ - ക്രിസ്തു രക്തം ചിന്തി വീണ്ടെടുത്ത ക്രിസ്തുവിന്റെ മക്കളെ പ്രേമത്തിലൂടെ നശിപ്പിക്കുന്നു.
മാതാപിതാക്കള്‍ കഷ്ടപ്പെട്ടു വളര്‍ത്തിയ അവരുടെ മക്കളെ നിന്റെ പ്രേമം കൊണ്ട് നശിപ്പിക്കരുത്. മാതാപിതാക്കളെ വേദനിപ്പിക്കരുത്. യേശു പറഞ്ഞു: ''ഈ ചെറിയവരില്‍ ഒരുവനു (പ്രേമത്തിന്റെ) ദുഷ്‌പ്രേരണ നല്‍കുന്നതിനേക്കാള്‍ നല്ലത് കഴുത്തില്‍ ഒരു വലിയ തിരിക്കല്ലു കെട്ടി കടലിന്റെ ആഴത്തില്‍ താഴ്ത്തപ്പെടുകയായിരിക്കും'' (മത്താ. 18:6). യേശു പറഞ്ഞു.''പ്രലോഭനഹേതുവാകുന്നവനു ദുരിതം. നിന്റെ കൈയ്യോ കാലോ നിനക്കു പാപഹേതുവാകുന്നുവെങ്കില്‍ അത് വെട്ടി എറിഞ്ഞു കളയുക.'' (മത്താ. 18/8). ഒരിക്കലും ആരുടെയും പ്രലോഭനത്തിന് വഴങ്ങരുത്. ഒരിക്കലും ആര്‍ക്കും പ്രലോഭനത്തിന് കാരണമാകരുത്.
1 തെസ 4:3-8 ലൂടെ തിരുവചനം പറയുന്നു: ''നിങ്ങളോരോരുത്തരും സ്വന്തം ശരീരത്തെ വിശുദ്ധിയിലും മാന്യതയും കാത്തു സൂക്ഷിക്കേണ്ടതെങ്ങനെയെന്ന് അറിയണം. ദൈവത്തെ അറിയാത്ത വിജാതീയരെപ്പോലെ കാമവികാരങ്ങള്‍ക്കു നിങ്ങള്‍ വിധേയരാകരുത്. ഈ വിഷയത്തില്‍ നിങ്ങള്‍ വഴി പിഴക്കുകയോ സഹോദരനെ വഞ്ചിക്കുകയോ അരുത്''. ഇക്കാര്യങ്ങളിലെല്ലാം പ്രതികാരം ചെയ്യുന്നവനാണ് കര്‍ത്താവ്. അശുദ്ധിയിലേക്കല്ല വിശുദ്ധിയിലേക്കാണ് ദൈവം നമ്മെ വിളിച്ചിരിക്കുന്നത്. ഇക്കാര്യങ്ങള്‍ അവഗണിക്കുന്നവര്‍ മനുഷ്യനെയല്ല, പരിശുദ്ധാത്മാവിനെ നിങ്ങള്‍ക്കു നല്‍കുന്ന ദൈവത്തെയാണ് അവഗണിച്ചിരിക്കുന്നത്.''
